ويناظر الساعة
خلال المناظرة الإنتحابية
وهو قاعد يخطب بالناس
عقله الباطن يردد
كلمات الأغنية لأنه متملل و مومقتنع بالكلام
و يقول
احد مع خله ويناظر الساعة وليش مستعجل
تناظر الساعة وليش مسعجل
احد مع خله
ويناظر الساعة
لغو مصفف محد فاهم منه شيء
بنتي عمرها اللي 6 سنوات قاعده يمي عصبت
لأني قاعد أتابع هالجهبذ
وهو يتكلم و يتفلسف و يفنذ و….حتى هو
مو فاهم شي يقول
خلتني الصغيرة
أتابع هاللغو
وراحت ترسم
وعقلي الباطن يقول لي
ما أنت على بعضك وشفيك متملل
واول على شوفتي تموت كل ساعة
كلي وله جيتك
وقلبي متامل
لو بس انأ وياك
اقعد ربع ساعة
أي والله هذي أطول ربع ساعة
حالي وأنا أشاهد هالمناظرة
و العقل الباطن يكمل
و يردد بقيه الكلمات المعبرة
عن الموقف و الحالة
و طبعاً في مخيلته
الكراسي الوثيرة و البشت و السيارة و الرزة
كني ملكت الكون يوم على تقبل
وشوفتك يا زين أبركها من ساعة
إن غبت عني يوم أفراحي ما تكمل
وتوقف وسط عيني
عقارب الساعة
الله يعينك على بلواك ماراح تشوفه مرة ثانية
هالهذرة ما تنفع
الاعتزال كما يقولون
ثلثين المراجل في فترة العز
و يكمل باقي الأغنية
في موعدي الثاني
اجلس معي كمل
وأرجوك يا خلي
لا تلبس الساعة
للأسف
ما تهنا صاحبنا لأنه خربط وأنحرج
ما عرف يرد على الحضور
ولا حتى عرف يعتذر
وايد من هؤلاء راح نسمع و نشوف خرابيطهم
خلال الأسابيع القادمة
كلمات المبدع
كلمات : عبداللطيف البناي
تحياتي
دافنشي
Posted April 16, 2008 by Q8Davinci under شخابيط